| “ Bonsoir les invités ”
Réfren :
Bonsoir bonsoir les invités
Bonsoir bonsoir la société
Bonsoir bonsoir tous les amis
Nou vini pou montré zòt
Vrè fòlklòr di nou péyi
Tout kòstim nou zansèt té ka poté
Ké tout dans yé té ka dansé
An tout komin di nou chèr Gwiyàn
Nou vini pou montré zòt
Vrè fòlklòr di nou péyi
(Réfren)
Si zòt lé anprann dansé Grajé
Dansé « gracieuse » ki ka sanblé oun vals
A pou alé a Sinamari
Nou vini pou montré zòt
Vrè fòlklòr di nou péyi
(Réfren)
Si zòt lé anprann dansé Léròl
Dansé « charmante » ki ka sanblé kadriy
A pou alé pa bò di Loyapòk
Nou vini pou montré zòt
Vrè fòlklòr di nou péyi
(Réfren)
Si zòt lé anprann dansé Kasékò
Dansé final di tout nou résèpsyon
A pou alé a Tonat-Makourya
Nou vini pou montré zòt
Vrè fòlklòr di nou péyi
(Réfren)
|
