Roun chanté Grajé

 

Flèr rouj

 

“ Si mo ka chanté ”

 

Réfren :

Lon lay déré lon lay lon lay lon lay
Lon lay déré lon lay lon lay lon lay
Lon lay déré lon lay lon lay lon la-a
Si mo ka chanté
A pou distrè mo lidé

Séparation

Si mo ka chanté a pa lé kèr kontan
Si mo ka chanté a pa lé kèr éré
Si mo ka chanté a pa mo tchò ki gè
Si mo ka chanté a pou distrè mo lidé

(Réfren)

Mo asiz a mo koté mo pa ka okipé di yé
Mo asiz a mo langa mo pa ka kouté yé
Mo asiz a mo lakou mo pa ka véyé yé-é
A enmi kaché lésé mo non pozé

(Réfren)

A mo la flèr koko a mo yé ka palé
A mo ki sapotiy a mo yé ka anvyé
Wi a mo “Belle de nuit” a mo ka santi bon-on
A enmi kaché lésé mo non an pè

(Réfren)

Zòt ka palé mo mal paské zòt jalou mo
Zòt ka Sali mo non paské yé kontan mo
Sèl bagaj mo savé lanmou pa ka achté-é
A enmi kaché pa okipé di mo

(Réfren)

 

De Valérie JOINVILLE, du groupe Sapotille

Barfleur

© 2010-2017 Kaseko.fr | Contact Webmaster