Roun chanté Grajévals

 

Flèr rouj

 

“ Oyapòk ”

 

Réfren :

Lon lay lon la lon la lon lay lon la
Lon lay lon la la lon lay la lon la
Lon lay lon la lon la lon lay lon la
Non non Oyapòk
Mo pa ka bliyé to

Séparation

Oyapòk
Mo ka byen sonjé to
Lannwit “le jour”
Mo sèl rèv a pou to
I gen lontan
Pourtan mo lésé to
É mo byen pè jòdla
Oyapòk to bliyé mo

(Réfren)

Mo pa bliyé
Nou dité sitronèl
Nou kaywéri
Nou waséy nou komou
É a pou sa
Jòdla to ka manké mo
Non Oyapòk
Mo pa ka bliyé to

(Réfren)

Lò mo chanté
Nou Léròl nou Grajé
Nou Kanmougwé
Nou Débòt nou Kasékò
Lò mo tandé
Nou tanbou ka roulé
Non Oyapòk
Mo pa ka bliyé to

(Réfren)

Lò Pak rivé
Mo ka wè maripa
Men a Paris pa gen Bouyon Wara
É a pou sa
Vrèman to ka manké mo
Non Lagwiyann mo pa ka bliyé to
Non Lagwiyann mo pa ké bliyé to

(Réfren)


Josy MASS

Barfleur

© 2010-2020 Kaseko.fr | Contact Webmaster